Einfaldar netgreiðslur eru tillaga að byltingu í hönnun núverandi heimabanka sem gerir rafræn vefviðskipti öllum aðgengileg. Einstaklingum, góðgerðarstofnunum og fyrirækjum, án teljandi tilkostnaðar af hálfu notenda, seljenda eða bankanna sjálfra.
Greiðslurnar eru framkvæmdar gegnum núverandi heimabankakerfi þannig að einungis er þörf á léttvægum breytingum á vefviðmóti heimabankanna til að viðskiptavinir þeirra geti framkvæmt Einfaldar negreiðslur og byggt upp líflegt net rafrænna viðskipta á íslenskum vefsvæðum.
Fjölmargir aðilar hafa lýst yfir hrifningu sinni af hugmyndinni og flestir eru sammála því að hugmyndin sé allt í senn: skemmtilega einföld, auðframkvæmanleg, og líkleg til að ná almennri útbreiðslu. Það eina sem vantar er verklegur stuðningur bankanna.
Á þessu vefsvæði verður leitast við að kynna kosti hugmyndarinnar og vista safn greina, sýnidæma og tæknilegra texta sem auðvelda bönkunum að byggja upp stuðning við einfaldar netgreiðslur og aðstoða þannig viðskiptavini sína við að stunda viðskipti sína á milli með Einföldum netgreiðslum.
Sýnidæmi um Einfaldar netgreiðslur - myndskreytt frásögn sem sýnir framkvæmd Einfaldrar netgreiðslu skref fyrir skref.
Einfaldur netgreiðslustaðall - tillaga að tæknilegum staðli um Einfaldar netgreiðslur sem bankarnir geta byrjað að þróa út frá.
Markhópar og ávinningur bankanna - Þórarinn Stefánsson veltir fyrir sér kostum og göllum Einfaldra netgreiðslna og hver mögulegur notendahópur verður.
Paypal og netgreiðslur - Már Örlygsson (3. mars 2002)
©2002 Már Örlygsson - mar@anomy.net - http://mar.anomy.net